عفاف الفرح

منتدى عفاف يقدم مواضيع مقويه وتحفيزية لكل مغربيه .تساعدك لتكوني اقوى واجمل واحسن .
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ليلة الدخلة جزء 2

اذهب الى الأسفل 
كاتب الموضوعرسالة
Admin
Admin


المساهمات : 25
تاريخ التسجيل : 18/11/2017

مُساهمةموضوع: ليلة الدخلة جزء 2   الأحد نوفمبر 19, 2017 11:53 am

سلام متابعات وصفات مختلفة
تتمة موضوع الدخلة
كفاش نخلي هاذ الليلة تكون ناجحة
.
⚄شنو ندير اول ماندخل
اول ماندخل البيت انا والزوج ديالي نسلمو على بعض ونباركو لبعض .بعدها نصليو وندعيو باش تنزل البركة والسلام على هاد الزواج .ونكسبو هدوء و سكينة ونطردو من المكان من نفسنا الشياطين والطاقات السلبية من حسد وعين وشر اللي جمعناهم من العرس و من الناس ومن راسنا .ونجهزو نفسيتنا ونترخاو .
.
⚂شنو لبس هاد الليلة؟؟
فاش نبدلو حوايجنا غ نلبسو كسوة بيضة ديال نعاس و تكون ماعرياناش بزاف ...شوميز به بالفوق ديالو مثلا.
اللون الابيض حيت نت عروس وهذا اول اتصال جنسي كيرمز للنقاء والطهارة ويزيد يزينك و يعطيك صفة الملائكية والجمال هاد الليلة.ويقربك من الصورة اللي تخيلك راجلك تكونيها هاد الليلة.
و ماتكونش عريانة بزاف لنفس السبب باش تحتافظي بالخجل و تتخباي تحت الابيض وتحتافظي بالملائكية والعذرية والتشويق ديالك اللي تكلمنا عليه.
حيت هاد الليلة اي اندفاع او جراة زايدة او تصرفات متسرعة غ تاثر سلبا.حيت هاد الليلة هي اول اتصال جنسي بغينا يطغى عليه الحب والرحمة والرفق والبراءة اكثر من الشهوة والللذة والاستمااع حيت الاستمتاع جاي مع الايام لكن اول اتصال واول تلامس مايتعوضش وباش يكون ناجح خاص بزاف ديال الرفق والحب باش ينجح الفض و يحيد الخوف ويوجد الزوجين يتقبلو بعض ومرتاحين و سعيدين.
.
⚅كفاش منتخلعش؟؟
لا لا حبيبتي انا من عندي ... تخلعي وخافي وبكي ...ورجفي انا باغياك هاد الليلة تكوني على طبيعتك ..وبكل انوثتك وبراءتك ..خافي وبكي ورجفي وهربي كاع هه ديري اللي بغيتي المهم تكوني نت وكيفما نت بغير تصنع ولا تكلف ولا عياقة.غ تعبري على راسك .وتخرجي داكشي اللي تحسي به بحال الطفلة.حيت وسط من دموع والخوف غ تكوني في قمة الانوثة والنقاء والاثارة والاغراء .تخلي راجلك شغوف بك اكثر و متشوق وغ تخلي عندو انطباع عليك ملائكي زوين كل ما تفكر هاد الذكرى غ يزيد يبغيك اكثر.ولكن من بعد اكيد حاولي تهدني و ترخاي وتنجحي ليلتك .
.
⚄الاتصال الجنسي
كيف قلنا هاد الليلة بغيناها تكون 80% حب ورفق و رحمة و 20% جنس.حيت هاد الليلة هي الاولى .هي ليلة الفض فقط ماشي للاشباع الاشباع وداكشي غ يجي من بعد مع الايام وبعد الفض..وهاد الليلة غ تكون اول التقاء الجسدين في الحلال والنوم جنب بعض .اول ليلة سلام بعد الشوق والاحلام والعذاب والفراق وووو .يعني اليوم بغينا امان اكثر من شيء اخر.
العلاقة الجنسية نجاحها يتوقف على اول اتصال جنسي.يعني اول بصمة واول انطباع و ذكرى وصورة ...اي خطا في هاد الليلة غ ياثر علينا طول حياتنا والعكس كذلك اي نجاح هاد الليلة غ ينجح حياتنا كاملة وياتر علينا ايجابا.حيت عقلنا غ يتبصم اليوم من اول بوسة واول لمسة واول نشوة و اثارة اي متعة اليوم غ ياخذها عقلنا و يعقل عليها ويخبيها لذلك كونو حذرين بزاف و بعدو على التوتر او العصبية واي اغلاط .
⚃بعد الخوف
بعدما فرغتي وعبرتي وخرجتي الخوف والخلعة دبا غ ترخاي و تطردي جميع الافكار والصور والتخيلات وتركزي مع زوج ديالك على اول اتصال بينكم.حيت كلما ترخيتي و تهدنتي كلشي غ يمشي مزيان .غ تحسي بمتعة اكثر ..و ينجح الفض ..ومغاديش يوقعلك تشنج مهبلي و جسدك غ يتجاوب مع راجلك ومعاك كيف ما امرتيه وكلشي غ يمشي كيف بغيتي.
⚂شنو يوقع الى خفتي
الى خفتي بزاف و بدون توقف ف غيوقعلك تشنج يعني لحمك بكثرة التوتر غ يتزير ويرجع بحال الحيط وخا تفتحي رجليك و تبغي و راجلك يدخل عليك غ تكون محاولاتو فاشلة وممكن حتى هو تفشليه وتاثري عليه وتحول ليلتكم ليلة فاشلة حيت عقلك عطى الامر بالاغلاق (اغلاق المهبل) اي المهبل ينشف و يتزير و مايسمحش بدخول القضيب .وهاد المشكل كيوقعو فيه بنات بزاف وكاين اللي استمر معاهم سنين ومدة وهي مزوجة وباقية عذراء.وماتقدرش تخلي العملية تكمل بسبب الخوف .والعقل الباطن اللي جمع تصورات غلط و خوف كبير خلاه يمنع اي استجابة في اتمام العملية.لذلك مهم بزاف ان من قبل العرس ونتوما تهيأو في كسوتكم وماعنكم و الحلوي والماكياج وجدو عقلكم كذلط وصفيوه وشبعوه بافكار ايجابية على هاد الليلة وجهزوه مزيان وخلصوه من كل اللي سمعتوه وقريتوه و شفتوه وبرمجوه على ان كلشي ساهل وكلشي غ يدوز مزيان وبحب و برحمة..
.

.
⚂ شنو هي الوضعية الصحيحة اللي ناخد في العلاقة الجنسية هاد الليلة.
احسن وضعية هي تكوني لتحت ..وراجلك يقود العملية بعد تجهيزك اكيد بالحب والملاطفة والقبل واللمس.وكاين وضعية اخرى هي تكوني الفوق وهنا غ تكوني نت المتحكمة او نت اللي تقودي العملية الجنسية .ونت خوذي الي يريحك اكيد.
.
⚅شنو غيوقع اثناء الفض
الفض ممكن يوقع بدخول راس القضيب او نصفو فقط.مجرد وخزة صغيرة جدا ممكن يوقع الفض بكل سهولة وفي رمشة عين وبدون وجع او الم .حيت قلنا ان الغشاء او الفض مايوجعش نهائيا ..ولا بالتصور اللي كتسمعو.هو يتوقف على الخوف والارتخاء فقط.
ممنوع في هاد الليلة تخلي راجلك يلوح المني ديالو لداخل ديالك (في المهبل ) حيت الغشاء هو جلدة صغيرة وقطعة منا وقع ليها تمزق مافيهاش عرةق باش نحسو بوجع ولكن هو جرح صغير ينزل بدم ..ضروري نخليوه حتى يبرا عاد نقومو بعملية جنسية اخرى.مدة يوم حتى ل 3 ايام.و كذالك باش يبرا فساع وميتعفنش و منخليوهش يتقاس بالمني ديال الرجل .ونخليو المكان ناشف .

⚄بعد الفض شنو ندير
بعد الفض مباشرة ممكن ينزل دم و كاين اللي يبقى مدة عاد ينزل .يعني ممنوع الزربة والتسرع.في هاد اللحظة غ تصبري وتجلسي في بلا صتك و تاخدي القطعة ديال الكتان اللي جبتي معاك او فاش تمسحي و تلبسيها من لتحت وتخلي الدم ينزل على راحتو حيت ممكن ينزل بزاف و يمكن شوية ويمكن يستمر نزولولو حتى ل 3 ايام او اكثر .وترتاحي مع راسك.
واكيد ماتنسايش تلبسي مزيان حيت الفض هو فتح مكان كان مغلق وحنا المغربيات حياسات بزاف وفساع نتاثرو بالبرد.يعني ضروري تلبسي عليك لتحت.

في الاخير نبغي نقول حاجة مهمة بزاف .لبنات اللي كيديرو علاقات جنسية كيما كان نوعها ...سطحية ...عادة سرية...جنس من الخلف ...من القدام من اي مكان.قبل الزواج وخا مع زوجكم نفسو وما كانتش علاقة كاملة و صحيحة ...خاصكم تعرفو ان اي متعة كتاخدوها في هاد الفترة عقلكم كيعقل عليها مزيان ويتبرمج عليها.واول بصمة جنسية حركتكم و تبصمت على جسمكم كتبصم في عقلكم وذكرياتكم كذلك وتخزن .وماتنساش.يعني فاش البنت تجي تزوج بعدما خذات بصمات مختلفة او معينة وبطرق معينة غ يصعاب عليها تلقى متعة بغير هاد الطريقة ...وتكون ضيعت حلاوة الحلال والبراءة والطهارة ووسخات عقلها و وتلفات شيفرات المتعة الصحيحة وفوتت على راسها بزاف ديال الاستمتاع الحلال بطريقة شاذة او حقيرة.ورضات بنصف متعة او ربعها او اقل فقط.لذلك نصيحتي لاي بنت بحال امكم او ختكم صبرو....وبعدو على اي علاقة خارج الزواج او قبل العرس...خليو عقلكم نقي وجسدكم نقي و حافظو على شيفرات ديالكم ...وماترضاوش لراسكم بالقليل يعني نص راجل ونص متعة ونص فرصة ...ديما طلبو و حلمو وخذو فرصة كاملة الى بغيتو تعيشو حياة كاملة وماشي نصف حياة.
الله يوفق الجميع شكرا.
عفاف الفرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://afafe-elfarh.rigala.net
 
ليلة الدخلة جزء 2
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عفاف الفرح :: المراهقات-
انتقل الى: