عفاف الفرح

منتدى عفاف يقدم مواضيع مقويه وتحفيزية لكل مغربيه .تساعدك لتكوني اقوى واجمل واحسن .
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كفاش نشرب الما؟؟

اذهب الى الأسفل 
كاتب الموضوعرسالة
Admin
Admin


المساهمات : 25
تاريخ التسجيل : 18/11/2017

مُساهمةموضوع: كفاش نشرب الما؟؟   الأحد نوفمبر 19, 2017 11:55 am

☙كفاش نغير راسي
اليوم موضوعنا هو كفاش نشرب الماء ؟؟
سلام زينوشاتي.
كيف تعرفو الجسم هو 70% او اكثر ماء.وان الجسم يحتاج يوميا 4،5 ،لتر من السوائل ياخدهم من الاطعمة بحال الخضر الفواكه ووو والاشربة بحال العصائر اتاي والماء بشكل مباشر.
وان الكلاوي بوحدهم يحتاجو 2،5 لتر باش يصفيو و يديرو خدمتهم على اكمل وجه .اما الرئة تحتاج بوحدها اكثر من لتر من الماء باش نتنفسو مزيان و الباقي يحتاجو الجسم لعملية التبريد و التعرق والامتصاص والتفاعلات والهضم والحرق ووظائف اخرى.
شنو يوقع الى نقص الماء في جسمنا ؟
.
- الى مشربناش الماء بشكل كافي كيوقع خلل في وظائف الكبد والكلاوي ومايصفيوش مزيان و ترتفع نسبة السموم والاملاح في الجسم وهادشي خطار غلى الجسم.
-نحسو بوجع في الراس.
-يوقع لينا نقص في الطاقة ونحسو بكسل وخمول
-يوقع جفاف للبشرة و تنشف و دير التجاعيد والخطوط البيضاء و تعطينا لون باهت.
-العينين يجفو و يبهاتو وينقصو دموع اللي كيغسلو العين و يتصابو باحمرار و حساسيةووو
-لاطونسيون حتى هي تنخافض.
-المخ والراس كدلك فاش مايتسقاش بالماء .يعطينا قلق وتوتر و اكتئاب وعصبية.و هلوسة كذلك.
-امراض المفاصل .
-قرحة المعدة
-السمنة .
يعني الجسم فاش مايترواش ويتسقى .كيتهدم و يتخرب ويرجع كسول ومخربق وغاديين وصحتنا تراجع وتنقص.

⚃كفاش نشرب الماء و نستافد منو

-اولا : غ نشري ش قرعات ديال الزاج او الفخار زوينين ويشهيوني في شريب الماء.ونخصص كيسان خاصين ليا بوحدي و لشريب الماء فقط.
-نحط وحدة ديما في بيت نعاس .وحدة في الصالون فين نجلس .واخرى في الكزينة.ديما نوجدهم مع صباح و نبدل الماء اللي فيهم .ونخليهم كمنبه فينما طيح عيني عليهم نتفكر نشرب الكمية الكافية ديالي ديال نهار.
-غ نحاول يوميا نشرب 2 لتر ديال الماء.وباش ناخذها مزيان.غ نقسمها على طول نهار على شكل كيسان كبار .ونخليهم عادة وروتين يومي ونظام يومي ديالي :
-فاش نوض من نعاس نشرب 2 كيسان كبار ماء
-قبل لغدا بمدة نص ساعة او اكثر نشرب كاس او كاس ونص .
-مور لغذا بنص ساعة نشرب كاس .
-مع المغرب كاس ماء.
مع العشاء كاس ماء
قبل مانعس كاس ماء
-وممكن بين هاد الوجبات ناخد كاس الى بغيت .الى ضفت عليهم حليب وعصير و خضرة و فواكه وسلاطة غ نكون خذي ت ماء كافي لجسمي.

⚄نصائح

-انا طريقتي في شريب الماء انني نشرب على اوقات الصلاة يعني الوقت الرباني مع كل صلاة كنشرب كاس ديال الماء .وبالطريقة النبوية القعود وعلى دفعات.
-شفت مرة لواحد العالم قال باللي الى بغيتو تستافدو من طاقة الماء و حيويتو اللي يفقدها فاش يتغط في الروبيني .هو انكم تحطوه في كيسان او جرات ديال الفخار بحال ناس زمان حيت تم اكتشاف ان بعد نص ساعة الماء في الفخار او الطين يرجع بحال الى يالله خرج من الارض فيه كل طاقتو اللي ماتت.
-فاش بنادم يحس بالعطش هذا دليل ان الجسم فقد بزاف السوائل والطاقة والوزن وكيعطي اشارة بعدما ستنفذ الاحتياط ديالو.
-الكمية ديال الماء الكافية تختالف حسب السن والوزن والجنس.يعني كل كتلة كيلوغرام من الجسم تحتاج 30 مللتر من الماء.يعني واحد فيه 60 كيلو يحتاج 2 لتر ماء.وواحد فيه 150 يحتاج 5 لتر من الماء.
-احسن ماء هو الماء البارد فساع يمتصو الجسم وبتفاعل معاه ويستافد منو عكس الدافي او السخون.
-شريب 2 كيسان د الماء قبل لغدا بساعة او 2 سوايع يوجد المعدة باش تهضم وبعده بساعتين ونص كيخلي عملية الهضم والاستفادة من الاكل تفوت على اكمل وجه.
-في التمارين الرياضية نشرب الماء قبل وبعد واثناء على جرعات صغيرة.
-شريب الماء بالزربة و بكمية كبيرة حتر نحس المعدة رجعات بحال البسين غلط .
-شريب الماء واقفين وبلا توقف كيدير انتفاخ في المصارن و يوسعهم .هذا الى مابغيتوش انتفاخ البطن.
-الماء كيطرد السموم والمواد الضارة والغير نافعة للجسم عبر البول.
-اوياكم تقولو لا مانشربش الماء راه غ نمشي لطواليت بزاف.ماتهاونوش بصحتكم وتنشفو جسمكم .
-الناس لللي بغات تتقص وزنها كاين واحد الريجيم سميتو ريجيم الماء فعال و رائع.ينصحو به الاخصائيين.
في الاخير زينوشاتي وحبوباتي شربو الماء وتهلاولي في صحتكم و في راحتكم ونظمو شريب الماء ديالكم .وبعدولي العشوائية و العصاب و زيانو راه الدنيا زوينة الى عشناها بشكل صحيح و رغبة وحب .نتمنى نكون فدتكم .الى موضوع اخر .بوساتي ليكم وحدة بوحدة الى موضوع مختلف من غروب وصفات مختلفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://afafe-elfarh.rigala.net
 
كفاش نشرب الما؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عفاف الفرح :: الاجمل-
انتقل الى: