☙جمال
البنات جيبتليكم وصفة صغيرة وزوينة بالنسبة لبنات اللي عندهم الحبوب وخصوصا صحاب البشرة الذهنية بحالي.واللي مايقدروش يشريو الكريمات ديال الحبوب الغالية والجيل وداكشي.
الوصفة بالتجربة الخاصة ديالي هي ..الملح.
⛾علاش الملح
الملح البنات كيطهر البشرة وينقيها ويقشرها ويعطيها الاكسجين .حيت عامر بالكبريت اللي يعطي الاكسجين والبوتاسيوم اللي يرطب الجلد والاملاح اللي تعالج مشاكل الجلد من اوساخ وحكة وخلايا ميتة .وذهون وحبوب وبقع..
وخاصكم تعرفو ان كاع دوك الكريمات والصابونات والجيلات والمنظفات ديال البشرة وزيد تقريبا كلهم فيهم الملح.
اللي حداها البحر او بحيرة فين كيربيو الملحة .ماعليها غير تمشي تعمر واحد 5 لتر وتجيبها للدار وكل يوم مع صباح فاش تغسل وجها .تغسل بداك الما ديال البحر .في قل من سيمانة غ يبانليها باللي الحب كامل يبس ..ودوك البوان مشاو..وداك الحب اللي تحت الجلد مابقاش.ووجها نشف ومابقاش مزيت .ورجع كيشعل.حتى من المسام تسدو.والخلايا تجدو والوجه بق يشرب اي ماسك طبيعي او تغدية ديريهالو.
⛾اللي ما حداهاش البحر ممكن دير معلقة عسل +راس المعلقة ملح وتخلطهم في نص كاس ماء دافي وديرهم ماسك لمدة 10 دقايق وتغسل .
⛾طريقة اخرى ممكن تاخدي تصاوبي منو طونيك يعني منظف يومي ديالك تاخذي كاس ماء و معلقة كبيرة ملح وتخليهم في قرعة على شكل بخاخ و تمسحي بالقطن بعدما ترشي على وجهك.
⛾بالنسبة لينات اللي بشرتهم ناشفة ممكن حتى هوما يديؤو الوصفة ولكن مع الترطيب بالزيت او يديرو غير لبلايص الحبوب بالقطن.هذا بالنسبة لطونيك الملح اللي صاوبنا في الدار اما ماء البحر فهو لجميع انواع البشرة حيت ديال طبيعي.
.
