عفاف الفرح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عفاف الفرح

منتدى عفاف يقدم مواضيع مقويه وتحفيزية لكل مغربيه .تساعدك لتكوني اقوى واجمل واحسن .
 
الرئيسيةأحدث الصورالتسجيلدخول

 

 كفاش نحمي ولدي من التحرش الجنسي؟

اذهب الى الأسفل 
كاتب الموضوعرسالة
Admin
Admin



المساهمات : 25
تاريخ التسجيل : 18/11/2017

كفاش نحمي ولدي من التحرش الجنسي؟ Empty
مُساهمةموضوع: كفاش نحمي ولدي من التحرش الجنسي؟   كفاش نحمي ولدي من التحرش الجنسي؟ Emptyالسبت نوفمبر 18, 2017 8:15 pm

#تربية +مساعدة
كفاش نحمي ولدي من التحرش الجنسي.
موضوع خطير كانتغافلوا عليه جميع وماكانعارفوش نتعاملو معاه او نوصلو لولادنا الخطر ديالو.
التحرش الجنسي بالاطفال هو محاولة من ناس كبار وبالغين استغلال اطفال صغار مافهمين والو في شهواتهم القذرة .عن طريق لمس اعضاء التناسليه للطفل او مداعبته او تعريته او تقبيله واحيانا اغتصابه.وهنا تجاوزنا التحرش.
اغلبية المستغلين او المتحرشين هم ناس قراب من العائلة (الجد والخال.والعم.وزوج الام واحيانا حتا الاخ ....وابناءهم)
لذالك اول خطوة :
هو عدم ترك اطفالك مع ايا كان غريب او قريب.
تعلمي ولدك يدخل المرحاض بوحدو ويسد الباب عليه فينما كان .المدرسة او البيت او دار شي حد.
تعلميه يلبس بوحدو يطلع سروالو بوحدو .مثلا في صباح حطي ليه الكسوة اللي غا يلبس وخرجي وسدي عليه الباب وخليه يلبس. والا مكانش يعرف علميه حتا يتعلم وخليه ونفس الشي فاش يجي يحيدهم .باش يتعلم مايتعرا قدام حتا واحد وخا نت ماماه او باباه او خته .ويفهم معنى الخصوصية.
تعلميه انه ما يشدش شي حلوى او فلوس من اي واحد الا ماكنتيش حاضرة .والا كنت حاضرة حتا يستاذنك.
علميه ان الجسد دياله ملك ليه .و ان كاين شي مناطق في جسمه ما خاص حتا واحد يشوفهم او يقيسهم .تقولي لولدك (بطريقة سلسة :ماتخلي حتا واحد يقيسك هنا هادو ديالك .ماتخليش شي حد يحيدلك حوايجك كيف ما كان )
علميه مايمشي حتا مع شي حد مايعرفوش لدار او حانوت او طموبيل.
الا شي حد سلم عليه بزاف وبطريقة مبالغة او بعنف او بزز منو يقولو سطوب متلا خوه او شي حد العائلة .
علميه يقول لا لشي حد قرصه او دغدغه فشي بلايص .
علميه مايخبي عليك والو.
حتا في الظار حاولي ماتخليش شي حد من خوتو او باه يلعب معاه شي لعب حامض متلا يقيسلو فاعضاؤو او يحيدلو حوايجو .حيت فاش يتعود الطفل عل هاد الممارسات غايسحابلو حتا المتحرش راه يلعب معاه بحال بباه او خوه.
هدري معاه على قد عقلو فهاد الموضوع .وفهميه شنو كاين في الجسد ديالو .وسمي الاعضاء التناسلية اسماء يفهمها ومايكونش فيها حرج بحال (طوطو) بحال مثلا ختاري الاسم اللي تبغي.
تكلمي مع بنتك وولدك على التحرش بطريقة يفهموها .قوليله كاينين شي ناس ماشي مزياني كايبغيو ياخدو طوطو او يشوفوه او يقيسوه او يسلمو عليه .و كايقولولكم خليونا .هاد ناس ماشي مزيانين والا شي حد بغا يشوف طوطو ديالك قلهالي و غوت عليه و قوليه لا حبس.وخاصنا نعيطولو لبوليس .ومانخافوش منو.

الا سولك طفلك على شي موضوع عندو علاقة بالجنس او قال كلمة فهاد الموضوع خاصكي تعرفي فين شافها وفين سمعها وجاوبي على الاسئلة ديالو وخوديه بالعقل وبشوية .
ونت هدري مع بنتك وخلي زوجك يهدر مع الولد .وتفهموهم باش يتيقو فيكم ومايخافوش منكم ومايحاولوش يعرفو من غيركم وبطريقة غير صحيحة يعني قولي لبنتك .غادي تكبري وغادي اعضاء جسمك تكبر .و غادي تغير جسمك و تجيك الدورة .حيت هكدا الله خلقنا .باش منين تكبري وتزوجي وديري العرس تقدري ترجعي بحالي ويكون عندك بنيتة زوينة وصغيرة بحالك .وتلعبي معاها .وغي راجلك هو اللي عنده الحق يشوف جسمك .انا كانعس انا وباباك في البيت حيت حنا مزوجين .مزوجين يعني انا قريت وكبرت وجاتني الدورة وجا باباك عند بابا ديالي وخطبني ودرنا العرس وعرضنا على الناس والموسيقى ومن بعد جبناك نت وخوك .وبحال هاد الهدرة باش تفهمي ولدك او بنتك .
راقبي طفل ديالك معامن يتمشا علاش متعلق به.فين كايمشي نتبهي لسلوك ديالو .وتصرفاتو .و سليب ديالو.المشية .
راه من العلامات ان ولدك تعرض لاغتصاب او تحرش :
يرجع مايقدرش يتمشا.
الاعضاء ديالو ترجع توجعوا.
افرازات او دم في البول او البراز او سليب ديالو.
يرجع عنيف .او جالس غ بوحدو .او الطبع ديالو مبدل..يعني ضروري من المراقبة و تردي البال.وفي نفس الوقت تعطي الثقة في النفس لولدك وتقوي شخصيتو و تعلميه الخصوصيات ديالو وفوقاش يقول سطوب.و يتيق فيك ويسولك .وتهري معاه ديما كفاش فات نهارك و شنو درت .وتوصليه نت او باباه المدرسة وتسولي علي المعلمة وتراقبي سلوك ديالو في الدار وبرا وماتخليهش يمشي مع ناس كبر منو .او تخلي شي حد يخسرلك داكشي اللي كاتعلميهلو .يعني دخلي بنفسك وقولي سطوب حيت هدا ولدك .ومن الواجب ديالك تحميه.
وماتنسايش الدعاء .و الحافظ هو الله.ومايكونش عندك تخوف زايد حتا ترجعي ولدك معقد لا غ بالعقل والفهم وبشوية.
والله يحفظ ولادنا كاملين .نتمنى نكون فدتكم .تحياتي.
#عفاف الفرح
الرجوع الى أعلى الصفحة اذهب الى الأسفل
https://afafe-elfarh.rigala.net
 
كفاش نحمي ولدي من التحرش الجنسي؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» كفاش تكوني محبوبة؟
» كفاش نتغلب على الالم؟
» كفاش نتيق في راسي؟
» كفاش نشرب الما؟؟
» كفاش نتعامل مع ش حد ينقص مني ويحتاقرني؟

صلاحيات هذا المنتدى:لاتستطيع الرد على المواضيع في هذا المنتدى
عفاف الفرح :: الأم-
انتقل الى: